Wednesday, February 3, 2010

روئية جديدة للغرب والمسلمين


فى بداية جديدة لاجازة نصف العام كان اليوم الاول على شرف السفارة الامريكية بالقاهرة فى عقد لقاء اقيم بساقية الصاوى.فعندما تلقيت معاد محاضرة بعنوان ماذا يحدث للاسلام: روئية جديدة للغرب و والمسلميين مع الأمام فيصل عبد الرؤوف.ذهبت الى المحاضرة التى عقدت بقاعة النهر ووجدت الكثير من الحاضريين وبالرغم اننى وصلت الى المكان متاخرا لظروف الطرق الا اننى اتفقت معة فى كل الاجزاء التى ذكرت منذ حضورى.وبالرغم من اعجاب الكثيريين بكلامة الا ان البعض تركوا المحاضرة لأنزعاجهم من الحلول المقترحة لحياة امنة وافضل.وكانت المحاضرة تناسق بعض القضايا التى ذكرت فى كتاب روئية أسلامية جديدة للغرب والمسلمين للأمام فيصل


أنا صانع سلام وليست اعمل مع اى جهة حكومية او غير حكومية كلمات ترددت على لسان الأمام فيصل ليثبت ان كلامة لم يمثل اى وجهة نظرلأى شخص او جهة اخرى والحقيقة اننى صدقتة فكلامة كان بالمنطق الكافى لكى يقنعنى وفى جزئية انتشار السلام فذكر قائلا لا بد من تنجى فكرة مسلم ومسيحى فالله خلق انسان

صاحب اللغات الثلاثة -العربية,الانجليزية,والملاوية-ابهرنى برأية فى حل مشكلة غزة وهو الجزء الاكثر ازعاجا للبعض عندما قال:لحل مشكلة غزة علينا التعاون مع القادة اليهود.فهم لهم تأثير كبير على الدولة.وليس الحل فى عقد مؤتمرات وخلافة وعدم وجود فكرة التواصل الفكرى بيننا وبينهم.وليس -ايضا-الحل فى قتل بعض الابرياء من الأجانب فماذا كسبت مصر عندما,منذ ثلاث سنوات,قامت مجموعة بالهجوم على بعض السياح وقتلهم؟ والاجابة كانت ان الاقتصاد المصرى انحدر وبشدة.
أتفق كليا معه فى ارائة المتوقع ان تساعد على حل المشاكل الكبرى الدولية وبالنسبة للمعارضين اقول:
يجب علينا ان نتناقش ونسمع الأراء الاخرى لنتوصل الى الحل الافضل
*****************************************************************



وفى جزء كان لزوجة الامام فيصل-الغير محجبة- وتحديدا تحدثت عن المرأة وروت قصة عن طفولتها فى بداية خوفها من قراءة القرأن وكيف كان تأثير امها هو الدافع الأساسى الذى وجهها للمعرفة اكثر عن الأسلام.ايضا ذكرت ان قوة الأم التى هى الوزيرة ,الرئيسة ,الملكة, و المحافظة يمكن ان تمحى تماما كل المشاكل حول العالم.فالأم هى المنبع الأساسى وهى مجتمع مفرد واذا تحدثنا عن ام فنحن نتحدث عن مجتمع وبالتالى عن مدينة,دولة,قارة, واخيرا العالم.فالسيدات هم العنصر الأساسى فى توحيد صفوف العالم -وانا اؤيدها كليا فى رأيها-واذا اردنا ان نحل جزء كبير من مشاكلنا فعلينا النهوض بالسيدات.فقالت:حال المرأة فى المجتمع الأسلامى سىء جدا واذا نظرنا الى مصر فالسيدات هنا يعانون فى بعض المناطق-ليس فى كل المناطق ولكن بعضها- ولكن مصر بالنسبة لدول اخرى فهى شكل جيد بالنسبة للسيدات فى افغانستان وبعض الدول الاخرى.ولكن أذا نظرنا الى ألام فهى الاصق للعائلة وللمجتمع وبالتالى للعالم"لا احد يعلم قوة الأم"ولله لم يجعل فرقا بين دور الرجل والمرأة.وفى جزء عن تنحى فكرة مسلم ومسيحى فذكرت اننا حتى مع المسلميين من مذاهب اخرى-الذيين يحملون فكر مختلفة عننا نهائيا-يجب علينا التوحد وتحقيق العدالة معا وانا أامل ان مصر ستكون فى مقدمة الدول لتحقيق هذ
ا

*********************************************************************


وأخيرا..فى البداية حزنت جدا لتأخيرى ولكن حمدت الله اننى فى النهاية وصلت وحضرت جزء حتى لو كان بسيط من خبرة جديدة لم أمارسها من قبل.بالرغم من انزعاج البعض من أراء الأمام الجميل الذى تلقى تعليمة بين مصر,ماليزيا,وأنجلترا الا اننى اعجبت جدا بعقليتة فى حل المشاكل.والأسلام ليس بالدين الذى يعقد كما نحن نراة الأن فى بعض القنوات كما نراة بسيطا وجميلا فى بعض القنوات الأخرى.اما عن جزء زوجة الأمام فبصل فأعجبت بأراها من ناحية تدخل عنصر المرأة فى حل مشاكل العالم فأأختلاط العاطفة وبالحقيقة يذوب الضغينة والكراهية.وللمؤيدين-مثلى-اقول يجب علينا ان نسعى ونبحث فى تطبيق هذة المقترحات بالأضافة الى اجندة مباردة قرطبة الى يرأسها الأمام وللمعارضيين اقول يمكنك ان تخدع بعض الناس كل الوقت ويمكنك ان تخدع كل الناس بعض الوقت ولكن لا يمكنك ان تخدع كل الناس كل الوقت فأستصبروا
By.Hossam E. Shahien
Quote:I will not take my religion from any man who never works except with his mouth

10 comments:

dr.lecter said...

عودا احمد يامان

بالنسبه للاراء اكيد فيه ناتس هتختلف خاسه موضوع غزه لانه حساس جدا

Foxology said...

حمد الله ع السلامة يا حسام وحشتنا ووحشنا كلامك

البوست جميلة جدا خصوصا موضوع غزة وده الكلام اللى قاله الرئيس السادات الله يرحمه وهو اننا بنكلم طوب الأرض علشان نحل المشكلة من غير ما نكلم الطرف الرئيسى ونحاول نأثر عليه

تحياتى ليك

z!zOoOo said...

السلام عليكم

ازيك يا باشا

يارب تكون بخير

ديه اول زياره ليا

بس علي فكره انا متابعك من بعيد

:)

انا متفق معاك جدا إن فعلا ربنا خلق إنسان

بغض النظر عن الانقسام لمسلم ومسيحي ولأي دين أخر

وفي النهايه كل إنسان بيعتقد في شيء ربنا الي هيحاسبه في الاخر مش إحنا

لأننا مش ألهه

بس بصراحه فيه جزئيه رغم بساطتها في الموضوع إلا إنها لفتت نظري لأنك ذكرتها

إن الست مش محجبه

طيب هي المفروض بتتكلم عن الاسلام

الكلام كلام كويس

بس مش المفروض تبقي واجهه مشرفه للإسلام كمان

يا اعتقد إن الحجاب بيصون المرأه

وفرض في الاسلام بغض النظر عن إذا كانت المرأه ديه حلوه ولا لا

ربنا يهدي

أما بالنسبه لإسرائيل فأنا شايف إن الحوار معاهم مهم

بس المشكله كلها إن إسرائيل هترفض أي حل يخرجها بره فلسطين

يعني ياوطن فلسطيني إسرائيلي جنبا إلي جنب يا إما هترفض النقاش من اساسه

وطبعا السلطه الفلسطينيه هترفض الكلام ده كله

عشان برضه ده إحتلال وهتقول مش من حق إسرائيل في ولا شب في الارض

وعلي نفس الفكره هتفكك أي فكره تنشأ لأي حوار


وانا معاه مراة الراجل في دور المرأه

بس لما تفهمه الستات صح

مش مجرد حريه من غير قيود

ومساواه وخلاص في اي شيء لمجرد العند

وفي النهايه احب أأكد علي كلامك

واقول إن فعلا الاسلام دين سماحه وحب وسلام ونبذ الضغينه

بس يا خساره ناس كتير قوي فاهماه غلط وبتطبقه غلط إنقاذا لمصالح دنيويه

في حين لو هما فكروا هيلاقوا إن الصالح إنهم يطبقوه صح

هيبقي لمصلحتهم ولمصلحه الناس

والشيء المحزن فعلا

إن الواجهه السيئه هي الي بتظهر

وياريتها بتشوه صوره صاحبها بس

لكن للأسف بتشوه صوره الاسلام كله

معلش إني طولت

بس موضوع المحضاره جميل

وطريقه نقاشك بسيطه

مبسوط إني علقت هنا

أتمني تنورني

تحياتي

:)

إبتسامة ملاك said...

حمدالله على سلامتك
نورت البلوج من تانى يارب ما يحرمنى من وجودك فى وسطنا ويكرم خير

إبتسامة ملاك said...

كلماتك صح بوست اتفق معاك فيه
نحمد ربنا على ما اعطانا

خلى بالك من نفسك وابقا طمنى عليك بيبى
سى يووووووووو

salwa said...

السلام عليكم اخ حسام
اولا اطيب التمنيات بالنجاح
و اتفق معك باقوالك
وحد الله صفوف المسلمين
و مفتاح الحل العلم
للاسف نسبة الامية بالعالم العربي و الاسلامي 40 %
و لنبتعد عن التعصب
سلام

Ramy Wasel said...

صديقى العزيز حسام
انا عارف انى مقصر فى حقك
بس الدراسه والشغل واخدين كل وقتى
البيزنز بقى يا سيدى
وانت عارف رجال الاعمال اللى مش زى حالاتى

الهمه
طمنى عليك
ويا رب تكون بخير

وساعات بحسدك انك من القاهره
وسهل جدا تحضر هذه الندوات
لانى علشان احضر ندوه مثل هذه
احتاج ساعتين حتى اصل للقاهره
ومثلهم للعوده

بس قدر الله وما شاء فعل

engy said...

حسام بجد وحشتنى جدا
كل مرة بجد بتبهرنى اكثر من اللى قبلها
بجد فعلا الدين الحقيقى اصبح عملة نادرة لو وجدت لكان الخلاص
بس انا اقصد الدين الحقيقى
اسلامى مسيحى بكل مفاهيمه
اللى منها احنا نفسناوالقيم والمبادىء الحقيقية والاخلاص للقضايا لازم نجاهد فى الدنيا هو ده بجد اللى يدينا الاخرة

TIMMY !! said...

مش عارف ...

متهيأ لي بلاش اعلق أحسن ,

لأني لو علقت هيبقى تعليقي ناقص ,

عموما كل سنة و انت طيب يا حسام ,
و أجازة مفيدة إن شاء الله

انت تسال والكمبيوتر يجيب said...

سعدنا بالمرور فى هذه المدونه المتميزه ولذلك نوجه لك هذه الدعوه
نحن اول برنامج أذاعى عن النت والمدونات ويذاع يوميا عدا الجمعه التاسعه وعشر دقائق صباحا على موجات الأذاعه الرئيسيه لمصر
نحن نطرح موضوعات الحلقات قبل اذاعتها فى مدونتنا لبعلق عليها اصحاب المدونات او غيرهم من الزائرين
ونذيع هذه الموضوعات مع التعليقات ومقتطفات من مدونات اصحابها اذا رغبوا
وبذلك نجمع لأول مره بين الأعلام التقليدى والنت
مدونتنا
http://netonradio.blogspot.com