Sunday, August 9, 2009

الفرح


بدأ العد التنازلى لأقلاع الطائرة المتجهة للولايات المتحدة الامريكية وعليها من اعز واحب الناس الى قلبى.فعندما قررت عدم التقديم لمنحة دراسية لمدة سنة فى الولايات المتحدة الامريكية وتسجيل اسم اختى بدلا منى تيقنت تماما بأن اختى ستكون من المختاريين لهذة المنحة.وبعد عدة معسكرات بين 6 اكتوبر, سيوة, و خليج مكادى على البحر الاحمر تم اختيار اختى الصغيرة لهذة المنحة لتكون سفيرة مصر فى ولاية
Mini-sota
بامريكا وعندما اقترب وقت السفر بدا قلبى يخفق من شدة الخوف عليها ومن شدة الفرح لها للعلم
والخبرة الجديدة التى تنتظرها فى الجزء الثانى من العالم.وفى اثناء طريقنا للمطار من مدينتى الى القاهرة كان يوجد نوعيين من المشاعر واحدة من ناحية اختى الكبرى وامى خوفا من المجهول المنتظر اما انا واختى فنابنا شعور فخر واعتزاز بالنفس والفرح الشديد.وفى رحلتها الى امريكا ستكون فى سبيل الله وحمايتة

اثناء انتظار الطيارة تجولت فى المطار وتناقشت مع بعض الطلبة الحاصليين على المنحة واكتشفت ان لكل طالب ميزتة مع اختلاف المهارات وعندما وصلنا قبل الطائرة بخمس ساعات رأيت الفرح يتبختر امامى من شدة فرحى باختى الجميلة وكيف كانت تحلق كالحمامة امامى محملة بطاقة التطلع للجديد والاستفادة من الثقافات الاخرى










Hossam E. Shahien In Pianola

وحتى ميعاد الطائرة قررت الجلوس فى بيانولا كافية للأكل البيتزا



With my sister before her departure to USA
واثناء اللحظات الاخيرة كنت اشعر بمدى حبى لأختى وكيف سأشتاق لها ولكن الشعور بالسعادة كان ياتى ليمحو اى شعور للحزن اللعين وكنت نتحدث عن كيف ستختار موادها الدراسية وتنظيم وقتها والاجتهاد بالمدرسة ولستة نصائح قبل السفر التى تنصححها كل ام مصرية لابنتها المغادرة خارج حدود البلاد ومع ذلك فأنا متاكد من اختى حاملة اسم أبى وبلدى ستكون الأفضل على الاطلاق


AFS Participants Taking The Last Instructions Before Departure
بعد تلسليم الطلبة ملابس وشنط الجمعية الدولية للتبادل الثقافى الدولى بدأ الطلاب فى التجمع للغناء والرقص فى المطار حتى تجمع المسافرون حولهم لمشاركتهم الفرح.منظرهم كان كما نقول نحن المصريوون يشرح القلب وطبعا اختى احلى واحدة فيهم

وهنا فى اللحظات الاخيرة قبل الرحيل عن ارض بلد الالف مأذنة كنت انظر لأختى وانا اشعر اننى هو المسافر وهو الذى سيتعلم الجديد والثقافة الاخرى وكنت اشعر بان اختى ستكون شىء كبير بعد عودتها سالمة....حماها الله

The Ambassador To Egypt In United States Of America,Mini-sota State
الشعور بالفخر والاعتزاز بان هذة الشخصية أختى ينتابنى فى كل لحظة انظر لها سواء فى الحقيقة او الصورة فهى فى نظرى الان سفيرة مصر, بيتنا, وانا ايضا فى امريكا وانا اعرف انها ستكون شخصية مرموقة ولها شهرتها فى مدرستها وبيتها الجدد....أحبك اختى

My sister's friends from AFS holding the official flag of Egypt
هؤلاء الشابات سيكونوا مرءاة بلدهم مصر فى كل ولاية سيكونوا بها....الله يحميهم

Last 10 minutes with my lovely sister before her departure to USA
وفى النهاية,سافرت اختى الجميلة لقضاء منحة دراسية لمدة سنة فى ولاية مينى سوتا بأمريكا تحمل معها ذكريات جميلة معى انا وهى فى كثير من محطات حياتنا.اليوم كان فرحى:فاختى التى ترافقنى ذهبت فى رحلة لتعلم الجديد.اليوم كان الفرح بشرف اختيار اختى لمنحة المتفوقين دراسيا.وفى اثناء تبخترها فى طريق المطار وطيرانها مثل الحمامة البيضاء شعرت بفخر كونها اختى.واثناء اخذها فى حضنى قبل الدخول لباب المسافريين كان قلبى يخفق عليها واحسست باننى اريد ان ارقص فرحا بها وفى كل قبلة منى لها ومنها لى كنت اشعر بالحب المتبادل وكأننى الفرح.اعتيطها حضن اخير ملىء بالدفىء قائلا سأشتاق اليكى وهى فرحانة بدخول حقائبها واعطيتها قبلة اخيرة مليئة بالحنان قائلا...أعتنى بنفسك
***************************************

By.Hossam E. Shahien
Advice:-Try every thing you want to do,and set aside Centophobia;The Fear Trying Something New

46 comments:

(Joudy) said...

بجد ربنا يخليكوا لبعض وما يحرمكوا من بعض أبدا ويارب ترجع لكم بالسلامة وراسها مرفوعة ورافعة راس بلدها كمان

دمت بكل الخير والسعادة

شبـــاك موارب said...

ربنا يخليكوا لبعض
أنا فرحانة بيها جدا
ربنا يوفقها و ترجعلكوا بالسلامة إن شاء الله

salwa said...

السلام عليكم اخ حسام
بعد ان كتبت تعليق امس اهنئك فيه بعيد مدونتك الثاني
اكتب اليوم و لاقول باختصار انكم اسرة نفخر بها عربيا و اسلاميا
لكم دااااااااااائما اطيب التمنيات و احر الادعية
وفقكم الله
سلاااااااااااااااام

♥نبع الغرام♥♪≈ said...

السلام عليكم

كل سنه وانت طيب ياقمر

بجد انا فرحانه قووى من كل قلبى لاختك
ربنا يسعده يارب ويخليكو ولا تتحرمو من بعض ابدآ

وان شاء الله ترفه راس بلدنا ووطنا مصر ام الدنيا

ويارب ترجع بالف مليون سلامه محققه النصر
وان شاء الله نبارك ليها
وبجد انت انسان جميل قووى ربنا ما يحرمنيش منك يا قمر

مش تقلق عليا انا كويسه الحمد لله ربنا يسعدك
مودتى
انوسه

قلم رصاص said...

السلام عليكم

ازيك ياحسام

واحشني ياصديقي

اتمنى لاختك التوفيق في امريكا

ربنا معاها ان شاء الله وترفع راسنا

ابقى خلينا اشوفك على الياهو يابطل

في حفظ الله

Foxology said...

صديقى الجميل حسام

ربنا يخليكم لبعض وربنا يوفقها وترجع بالسلامة ان شاء الله :)

تحياتى ليك :)

طوبه فضه وطوبه دهب said...

bgd gamela akhtak el 3sola wagmal gmalk wfar7tak beha ely kharga mn albk rbna ykhlekm lb3d yarb madrsh abdn ansa agmal nas wat3m akhwat wmdonen bs anta el azahr nset akhwatk kol sana wanta wmdontak balf kher w7ob ws3ada hstnak el 7laat el kadma slam

مهندس مصري بيحب مصر said...

مش عارف يا حسام بس مش متقبل سفر البنت لوحدها لبلد غريبة قبل سن الرشد
21 سنة
ألف مبروك طبعاً بس مش عارف قلبك طاوعك تسيبها تسافر لوحدها إزاي ؟

أنا لو مكانك يبقى حأتجنن من القلق و الخوف عليها في بلد غريبة زي أمريكا

د. ياسر عمر عبد الفتاح said...

أنا داخل أشكرك علي كل الكلام الجميل اللي قلته عني في مدونة " مدونات ترك أثرا"

ربنا يكرمك يا حسام
رغم كل الخلاف الفكري الموجود بيني وبينك
لكن لسه فيه بينا ود

عمرو جويلى said...

عزيزى حسام
السلام عليكم
أولاً أنا أعتز بكلماتك عنى ودعوتك لى بتأليف كتاب ويكون عنوانه حتى لا ننسى فأنا أشكرك على هذا ومليون مبرووك لأختك وترجع بألف سلامة
دمت فى خير

rovy said...

الله يا حسام .. بجد انا فرحانه بك جدا و بحبك لأختك و قلبك الجميل و الكبير ده
كمان فرحانه بأختك الجميله ما شاء الله عليها ربنا يحميها ياارب و يحفظها و يوفقها و ترجع بالف سلامه ..
الف مبرووك لها ..و يارب تطمنوا عليها دايما ..
كل سنه و انت طيب .. اللهم بلغنا رمضان و تقبل منا يارحمن

خالص تحياتى لك دوما

صيدلانيه طالعه نازله said...

ربنا يطمنكم على بعض دايما و دايما فى طريق التقدم و الفخر
جميل قوى ان الانسان يضحى بحاجه هوا عايزها عشان اخته اللى بيحبها
و انشاء الله ترجع بالعلم و الخبره اللى تأهلها انها تبقى فى ارقى درجه

ديالا said...

ربنا مايحرمكوا من بعض ابدا

ربنا يخليها ليك وترجع وهيا رافعه اسم بلدنا

بجد حاجه تفرح

تقبل مروري

dramaqueen said...

مبروك لاختك يا حسام
يارب تروح وتيجى بالسلامة
معلش مبقتش اكتب جديد بس ظروف والله

انت كمنا وحشتنى جدا ووحشتنى مدونتك

اخيرا
بجد انا فخورة جدا بيك و باختك صدقنى اتمنيت انى اكون معاها وهى مسافرة بس انت وصفت مشاعرك بصراحة حسستنى انى معاكم

سلامات يا صاحبى
وكل سنة وانت طيب

رحلتنا في الحياة said...

الف مبروك لاختك ياحسام وربنا يخليكم لبعض وتروح وترجع بالف سلامة باذن والله وربنا يحفظها دايما
وجميل بجد الضحية اللى انت عملتها علشان ربنا يكرمك دايما

مهرة سالم said...

السلام عليكم ..
ماشاء الله الله يحفظها وترجع لكم بالسلامه وأخي بالفعل أحسست بمشاعرك ومشاعر والدتك
هذا بالفعل هو الخليط الشرقي ...
كم أنا فخوره بثقتك بأختك ...
والآن لا أوصيك فوالدتك بحاله لا يعلم بها إلى الله
فكن بجانبها وراعها ....
....
في أمان الله

Anonymous said...

السلام عليكم
ملييووون مبرووووك
خالص تقديرى

assafo anaroze said...

حسام
اول مرة ازور مدونتك و انا سعيد ان دخلتها عن طريق صديقي شكيب اريج
واسعد ان تعرفت من خلال هذه الكلمات على شخصية رائعة بكل المقاييس شخصيتك يا حسام
لكم اسعد دائما حينما اتعرف على شخصية تحترم المراة و تعاملها بكل الحب و الاحترام خصوصا ان كانت هذه المراة هي الاخت
سعيد بمشاعرك المتفتحة و مشاعرك الرقيقة و فخر ايما فخر بشخصية مثل شخصيتك
مودتي
دعوة للتواصل مع مدونتي

لاسع افندى said...

اتمنالها التوفيق وتشرفنا كلنا وربنا يرجعها بالسلامه




تحياتى اللاسعه

SERVANT OF JC said...

أخويا الحبيب والغالي : حسام

أشكرك علي تشريفك ليََ في مدونتي - أنا عارف إني مقصر جدا معاك - سامحني :)) - أخوياالغالي أحب أهنيك علي نجاحك ولو انها متأخرة شوية وأهنيك ايضا علي قرب شهر رمضان - كل سنة وانت طيب - ربنا يبارك فيك ويفرحك ويحافظ عليك

حسام .. موضوعاتي جايز تغضب مني ناس كثيرين - لكن هذة هي الحقيقة - عزيزي حسام - أنا عارف انك شخص محترم ومتفتح - لذلك أن اقول لك لو إنت معترض علي بعض ما انشره فأنا ارحب بك دائما واتمني ان تناقشني فيما انشره فلعلك تكون انت علي الصواب واكون انا المخطيء..

عزيزي حسام .. أطلب منك أن تقرا موضوعاتي جيدا ولو كان لديك اي اعتراض فأتمني أن تأتي وتخبرني بهذا حتي يكون هناك نقاش متبادل قائم علي المحبة والاحترام.. :))

أشكرك جزيلا
مودتي وتحياتي

:))

صاحبة هدف said...

نموذج متميز في علاقة الإخوات ببعض

وفقكم الله

وحي القلم said...

السلام عليكم
مبروك يا حسام باشا
ويارب اختك ترجع بألف سلامة

شمس النهار said...

ان شاء الله هترجع بالسلامه محمله بالتجارب اللي هتثقل شخصيتها
وسنه مهتعدي
والنت ماخلاش حد بعيد
هتتواصلوا علي النت وكده
وواضح انك انسان جميل ومشاعرك جميله بنا مايحرمكم من بعض

Kiara said...

ربنا يرجعهالك بالسلامه ويوفقها في السنه الدراسية دي ومش يحرمكم من بعض

أحساس لسه حى...كلام من جوه روح لكل روح said...

عزيزى

ربنا يحرسها ويحافظ عليها

اكيد لازم تكون فخور بيها وان شاء الله لما ترجع تفخر بيها اكتر

بس اكيد بعدها مقلق شوية وفى وجع للبعاد

تحياتى

سلام

Eno said...

ترجعلك باألف سلامه ياحسام وهي رافعه راسنا كلنا :)

ربنا يخليكم لبعض :)

تحياتي:)

Desert cat said...

ما شاء الله يا حسام ربنا يفرح ماما بيكو واضح جدا انكو اسرة متفوقة ومرموقة وسعيدة اوى بمشاعرك الجميلة وحبك الجم لاسرتك الصغيرة ربنا يخليك ليهم ويخليهم ليك
تحياتى يا اغلى صديق

موناليزا said...

ربنا يخليكوا لبعض ويارب تتجمعوا تانى على خير
وربنا يحميها ويبارك فيها

موناليزا said...

بما انك مش متابع لردى على تعليقاتكم فى مدونتى
فبالنسبة لاستفسارك عن الكود
ممكن تبعتلى ايميلك وانا ابعتهولك لانه مش بينفع يتبعت فى التعليقات
(اى خدمة)

Yasmine Madkour said...

Facinating
really so gr8 , it sounds good to have this experience .. really you mean to me the one who have done the things i haven't done yet :d ..
till I do what you did ..
accept my great wishes for you and your sister .. Have a nice day , Hossam :)

اميرة الحزن said...

السلام عليكم أخي حسام
الحقيقة اسعدني كثيراً ما قراته هنا وهذا يدل على أن شباب مصر بل شبابنا العربي لازال بخير وانت واختك مثال مشرف وبيرفع الرأس وأكيد اسرتكم الكريمة تفخر بكم وبلدكم مصر تفخر بكم وان شاء الله أختك تحقق طموحاتها وتكون خير مثال للبنت المصرية والعربية بشكل عام ... الله يخليكم لبعض ويزيدكم محبه وتألف

r said...

ربنا يحميها ويحافظ عليها ويردها ان شاء الله بكل الخير

ما فيش اجمل من الاخوات يا حسام
انا مع جمله (وما يشلش همك غير اللى دمه من دمك)

ربنما يخليكوا لبعض
والمهم انها تستفيد من المنحه باقصى درجه خاصه ان التعليم فعلا فى امريكا شئ خيالى
سمعته من كل الاصدقاء الى كانت ليهم سبق سفر للخارج للتعليم

وعبقاللك ان شاء اله
وكل سنه وانت طيب

موناليزا said...

تم الارسال يا فندم
اى خدمة:)

Unknown said...

هى اكيد فخورة انها اختك زى ما انت فخور انك اخوها.....يارب يوفقها ويحميها ويثبتها

يارب يرجعها بالسلامة وهى مستفيدة اقصى استفادة من التجربة...ربنا هيكرمها ان شاء الله

حلو احساسك دة والاحلى انك مفيش ذرة زعل على انها مسافرة لمدة سنة بحالها..مش سهل حد يحس بكدة الا لو كان شخص متفتح ومثقف ومؤمن زيك كدة

ربنا يخليكوا لبعض

هيثــم رمضـــان said...

السلام عليكم

إزيك صديقي العزيز والجديد حسام , أولاً أنا جيت أرد زيارتك الجميلة لمدونتي ودخلت علي مدونتك فوجدت شاب ما شاء الله عليك مثقف وصاحب فكر مميز يعني نموذج جميل لشاب مصري نفتخر بيه جميعاً ,وربنا يرجع أختك بألف سلامة إن شاء الله وتكون سفرية موفقه إن شاء الله.
سعدت جداً بصداقتك أخي حسام

تقبل تحياتي

Anonymous said...

الف الف مبرووووووووك
يارب تتفوق دايما يارب
وربنا يحميها هناك
اللهم امين
وربنا يخليكو كلكو لبعض يـــارب
نيرة

mira said...

ازيك ياحسام
اخبارك ايه يارب تكون بخير
وكل سنه وانت طيب
ويارب اختك ترجع بالف سلامه وخير
ويارب يحفظها فى بلاد الغربه ويخليكوا لبعض ويهون عليك ايام بعدها عنك
دمت بخير

Ramy Wasel said...

ربنا معاها
وترجع ب1000 سلامه
وكل سنه وانت طيب صديقى العزيز
معلش
انا عارف انى مقصر معاك جدا
بس ظروف الشغل
مش لاقى اى وقت لاى حاجه
لا نت
لا قراءه
لا تليفزيون
لا خروج
لا سفر
وحتى العيد الكبير

رمضان كريم

assafo anaroze said...

رمضان كريم و كل عام و انت بالف خير
ربنا يدخل عليك و علينا باليمن و السعادة و الخير و البركات
ربنا يدخل عليك و علينا و احنا في صحة جيدة و عافية
مودتي

سمكه واحده said...

اد ايه انت جميل ياسمسم
ربنا يباركلك فيها ويخليها ليك ويحفظها في غربتها ان شاء الله
وكل سنه وانت طيب رمضان كريم ياسمسم

MISS\GH said...

ازيك يا حسام واحشنى جدا
بجد اختك شكلها لذيذ جدا وشىء مشرف فعلا انها تكون من الحاصلين على الفرصه الجميله دى وان شاء الله هتكون سفيره ممثله لمصر وهتشرفنا كلنا
ربنا يرجعها لك بالسلامه ويقوى غريزه الحب اللى بينكم وميحرمكوش من بعض ابدا

ندا منير said...

الف مبروك لاختك يا حسام

وانتوا تستهالوا كل خير

النسر المهاجر said...

حسام وحشتنى كتاباتك
وربنا يوفق أختك ويرجعهلكم بالسلامة
ورمضان كريم

نبراس العتمة said...

أهلا حسام
في كل مرة تجعلني بتدوينتك أشعر أنك واحد من أطراف العائلة..حقيقي مميز بتدويناتك الاجتماعية التي تجعلنا نعرفك عن قرب..
مبروك لشقيقتك أن لها شقيق مثلك، ومبروك لمصر لأن لها ابن يفخر بها مثلك

لازم تعذرني لأني أطلت الغياب بسبب ظروف سفري وعن قريب أستقر في بيتي بالبلدة الهادئة طاطا وأكون على النت بشكل يومي

مودتي الدائمة

نبراس العتمة said...

أهلا حسام من جديد

أعود لأبارك لك ولعائلتك ولجميع المصريين والمسلمين رمضان

"مباركعواشير" بالمغربي
مودتي..

نـــــور said...

كل سنه وانت طيب ياحسام

ورمضان كريم ياقمر