الرائعة دومينيك ادة

انها ليست مشهورة فى وطننا العربى ولكن عندما ولاول مرة شاهدتها سحرت عقلى وابهرتنى ليس فقط بكلماتها ولكن بفكرها وعقلها وكل ما تملكه من علم وثقافة.انها الكاتبة اللبنانية الفرنسية الرائعة دومينيك ادة.تنتمى دومينيك ادة الى عائلة مثقفة لدرجة عالية.فقد اخذت الثقافة واحترام الانسان لانه انسان من والدتها الفرنسية واخذت حب السياسة والثقافة من والدها المهندس الوزير.لم اتمكن من قرائة روايتها الاربعة باللغة الفرنسية
1- Lettre posthume رسالة ما بعد الموت
2-Pourquoi il fait si sombre? لماذا العتمة؟
3-Cerf-volant الطائرة الورقية
4- Le crime de Jean Genet جريمة جان جينيه التى نشرت فى مارس 2007
لاننى لست ضليعا فى اللغة الفرنسية ولا ليست للكتب الاربعة ترجمة للعربية وايضا صعوبة الحصول الكتب المترجمة باللغة الانجليزية فى مصر وهذا طبعا تقصير من جميع الناشريين.فكيف يمكننا تجنب تلك الكاتبة.العروبة تسرى فى جسدها وتحاول نقض كل ما هو قبيح واذا سالتها لماذا؟سترد بكلمة واحدة قائلة الظلم.
انجازاتها لا تحصر فالرائعة ذهبت الى المخيمات بفلسطين وعلمتهم الفرنسية.لها مقالات هزت فرنسا فى وقت نشرها ومن امثلة هذة المقالات مقالة رسالة الى الأسرائيليين .
مع ان ليس لها اى مقال مترجم للعربية لكنى دائما اقرا لها مقالاتها فيمكننى قرائتها مترجة باللغة الانجليزية

يمكننى ان اقول ان الرائعة دومينيك ادة من اهم الشخصيات الذيين اثروا فى فكرى وتفكيرى.فانا الان تاثرت جدا بعمل المثقفيين مثل جان جينيه ودومينيك ادة فى فكرى.فمهمة المثقف ان على قدر المستطاع ان يبعد عن السلطة ولكن يصر على استقلالية الفكر,على تعديية الفكر,يساعد على تبسيط الاشياء وهذا ايضا من وصايا المثقف رحمة الله عليه ادوارد سعيد.
----------------------------------------------------------------------------------- -------------

كنت البارحة اقرا لدومينينك ادة رسالة الى الأسرائيليين

فاثناء القرائة كانت تبهرنى طريقتها فى الكلام مع ان المقال مترجم بالانجليزية فكيف كان حال من قرءوة بالفرنسية.فمثلا فى جزء كانت تتكلم قائلة: أنه كلما أمعنتم بقتل عدوكم وبمحوه واقتلاعه كلما كبرت ذاكرته وتحولت إلى حقد، ولم تستطيعوا محو حماس وحزب الله ومنذ خمسين عاما تسعى دولتكم دون انقطاع لقمع القانون بالقوة، والسؤال بسيط فهل تقدمتم؟ .ايضا فى جزء ابهرنى ذكرته قائلة:نعم ,نحن نعلم,انكم تخافون من حزب الله وحماس.فهم خطر يجب التخلص منه.يجب خلعة مثل الشجر حتى اخر جذر.لكن لن تقدروا,لن تنجحوا.مع كل هجوم الشجر يقوى اكثر واكثر.فالتفكير فان تدمورا حماس وحزب الله بما تملكوة من مدافع بمثابة توقع رجل يمشى بعد قطع رجلة باسلحتكم.
TRANSLATED INTO ARABIC FROM THE ENGLISH TRNSLATED ESSAY ON http://www.opendemocracy.net/
-----------------------------------------------------------------------------------
مع ان لم يتم ترجمة ولا كتاب من كتب هذة الكاتبة الرائعة التى تفاجئنى دوما فهذا تقصير يوخذ على كل ناشر ليس لبنانى فقط ولكن عربى يهتم بالادب الفرنكفونى اللبنانى العربى.فدومينيك ادة من اهم الاصوات الجديدة فى حقل الرواية الفرنكفونية.وهذا ظاهر فى روياتها( الطائرة الورقية).فدمومينيك ادة التى اتخذت اللغة العربية للقلب والفرنسية للقلم وبين القلب والقلم تسكن دوميننيك ادة عالمين بين بيروت وباريس.باريس لنشر الظلم الذى يقمع على العرب وبيروت مسقط رائسها وسبب ثقافتها فدومينييك ادة الواقفة عند حدود اللغتين العربية والفرنسية نجحت فى سمع الغرب هموم العرب بلغتهم ما دام انهم صموا اذانهم عن اللغة العربية.

BY .HOSSAM E. SHAHIEN

-------------------------------------------------

Quote

The Great Writer Knows His Or Her Self From Things That Have No meanings,And Things He or She Donnot Write In

وكأنى عالم

السلام عليكم,وحشتونى جدا كل اصحابى الجداد والقدام.انهارده ححكى عن يوم .كالعادة كل يوم ثلاثاء اذهب للقاهرةلاخذ كورس لمادة البايولوجى.وطبعا لان البايولوجى بتعنا مش زى اى بايولوجى.لازم اشوف كل حاجة على حقيقتها حتى لو كانت مقرفة.بس بينى وبينكم كنت مستمتع اوى وانا بعمل الشغل بتاع المعمل.شفنا الجمجمة بتاعة الانسان وعرفنا مداخلها ومخارجها.شرحنا شوية بروتوزوات ومعرفش الصراحة اسميهم بالعربى.والتقيل اوى اوى بقى اننا شفنا خلية الصرصار ودى اللى كانت مفجاة.انا معرفتش اصور غير عينة الصرصار وشىء اسمه SPIROGYRA
عشان اعرف اصور العينتين دول مش قادر اقولكم تعبت اد ايه على بال مخليت عدسة كمرا الموبيل على المكرسكوب بظبط.

This is SPIROGYRA(A green algae

عينة الصرصار كنا بنخدها عشان نعرف ازاى بينقل الاميبا من جسمه لحد الاكل

This is the crocoarach

proffesuer HOSSAM exploring on microscope(lol)

دكتور ياناس ولا عالم ده

BY.Hossam E. Shahien

------------------------------------------------------

Advice

Learn As You Could Because Learning Is The Weapon Of War And The Bulwark Of Days

اشتقت اليك لدرجة انى اتمنى الموت لاقابلك

ذهب وتركنى لوحدى فى عالم لا اقدر فى التعايش معه من دونه.فكان ابى كل نص حياتى كان يتحمل فوق ما لاطاقة له
دائما كنت اقول عند المواقف الصعبة اليه يا جبل مايهزك ريح.اشتقت اليه لدرجة لا اتمكن من تحملها.دائما اشتاق لكامه يا حبيبى من فمه.اشتاق الى صوته عندما كان يقول لى تعالى فى حضنى وعندما كان يقول اريد قبله وعندما اعطية اراه مسرورا يقول الله الله الله الله
اشتاق الى رائحة عطرة وصوته عندما كان يغنى
اشتاق الى ابتاسمته التى لا ارى مثلها من قبل.اشتاق الى الاستماع اليه وهو يناقشنى فى التاريخ والسياسة والعلوم والفنون.انه رجل مثقف لدرجة لا حدود له.ترك مالا واشاياء اخرى لكن انا اهتتمت اكتر بغرفة مكتبه
حيث مئات من الكتب فى جميع المجالات.اتذكر دائما ولا اقدر على نسان ضحكته وصورته.اشتقت اليك يا ابى مثلما يشتاق الاناسان الى الهواء.اشتقت اليك مثلما يشتاق الكاتب للكتابة.اشتقت اليك بقدر ما يشتاق الرسول لنشر رسالته.اشتقت اليك عندما كنت تصحينى باكرا بلطف.اشتاق الى سوالك على وعلى حالى.احبك احبك احبك

بعدك حبيبى توجد لحظات السعادة بلا طعم.اذكرك دائما فى قلبى وعقلى.انت الان بالنسبة لى كمثل المهاجر من بلد الى بلد وانا انتظر بفارغ الصبر المجىء اليك.كم اتمنى ان اراك حتى ولو بحلم بنومى.اريد التكلم معك .اريد الشكوى من مشاكلى اليك.فانت الحلال الذى يلهمه الله الحل لتفك كربى.اشتاق الى يدك.كم كانت تمسح من دموعى وتخفف من الامى.علمتنى الكثير والكثير ولكن لم تعلمنى كيف ساعيش بدون توجيهاتك واحكامك وافعالك.عندما اتذكرك تخلطت دموعى بابتساماتى فلن اتذكر منك اى شىء قبيح.كنت دائما طيب القلب ,حنون و متحضر.كم اشتاق الى ان اجرى بحضنك واعانقك .فقد اشتقت اليك كثيرا.الان انا مستعد تمام الاستعداد حتى ارقد بجانبك فى التراب واقابلك فوق لذا حبيبى عليك توقع مجيءى فى اى لحظة.فاول شىء سافعله هو الجرى بحضنك وتقبيل كل انش بجسدك .

ارجوك انتظرنى هناك.اريد عندما اتى اليك اراك فى استقبالى فانا اشتقت اليك يا حبيبى

فكل نفس ذائقة الموت
Died In FEB.17-08

BY.Hossam E. Shahien

-----------------------------------------------------

Statement

The Tree That Gives Its Leaves,Fruits,Branches,Trunks,And Shadow Is Your Parents

I GOT 1290 IN SAT YAHOO

بجد مش مصدق

مش معقول يكون انبارح الفلانتين وفى نفس الوقت نتيجتى تطلع

شفته بقى عشان ربنا عارف انى كنت متغاظ عشان اصحابى كلهم كانوا مشغوليين فى تسليم هدايا الفلانتين وانا لا فربنا فرحنى وعوضهالى ههههههههههههه نتيجة امتحان سات ظهرة انبارح الساعة 12 وجبت 1290 واااااااااااااااااااااااااااو اخر مرة كنت جايب 1040 يعنى زدت 250 درجة 5بقى فى وش العدو

اصل كان عندنا بطة بتمشى كده 55555

بجد فرحانننننننننننننننننننننننننننننن

ولو سمحتم اللى هيعلق يعلق على الموضوعين بتاع الفلانتين وبتاع نجاحى

عشان يعرف ياخد الحاجة الساقعة

بحبكم جدا سلام

BY.Hossam E. Shahine

-----------------------------------------------------

Advice

Study Hard To Reach Your Goals

happy valantine day for all

حبايب قلبى ازيكم
انهارده يوم مش عادى لانه عيد الحب.بما انى لسة فى الخامسة عشر من عمرى هديكوا درس فى الحب.الحب ده اجمل احساس الواحد بيحسه.تخيل كده اللى انت بتحبه او بتحبها قاهد معاك وفى حضنك.اعتقد ان دى اجمل من اى هدية تجبهالوا.انا معنديش جيرل فرند الصراحة بس بحتفل بيه برده.يعنى بتصل بكل اصحابى البنات وقرايبى كلهم وجرانى وكل اللى لى علاقة بيهم.هقول دلوقتى هابى فلانتين داى لمجمعوة بحبهم جدا من اصحابى وبالرغم من انى مقبلتهمش بس حاسس انهم قريبيين منى اوى

احمد الصباغ

حبيب قلبى وحياه قلبى وهموت واقبله

وينكى

حبيبتى وحبيبه الكل

لماضة

كومنت واحد بس حبيتك

مهندس مصرى

اتمنى اشوفك او اكلمك قريب

ولاء

صديقة لا تعوض

احساس لسه حى

شخص رائع

صاحب المضيفة

مدون رائع

موجة

حبيبى ومش هنتخانق عشان سوال

وكتير من المدونين اللى لسه بتعرف عليهم

happy valantine to all

by.Hossam E. Shahine

Just back from SAT EXAM

السلام عليكم

بجد وحشتونى جدا.انا عارف انى بقيت اكتب قليل بس بجد غصب عنى لان التلت شهور اللى فاتو كانوا من نصيب امتحان سات.يمكن معظم الناس متعرفوش اصلا ومعظم الناس بيفكروا اسهل من الثانوى العام اللى انا دلوقتى بتمنى انى ارجعله تانى.تصدقوا انى فى مرة واحد اول معرف انى فى امريكان دبلومة قالى ايوة يا عم امتحنتكم تافه منتم على طول اوبين بوك.مردتش عليه اصلا خليته يزن مع نفسة.

مممممممممم عشان منخرجش ش عن الموضوع

انهارده كانت رابع محاولة ليا فى امتحان سات.بجد عجبتنى اوى فى كل حاجة.اول مرة تحصل ويجيبوا القراءة النقدية اسهل من الجرامر.كل القطع تقريبا كانت مفهمومة واسئلتها سهله عن العكس للجرامر كان رخم جدا.وعشان تطلع خطا فى جملة استهلك وقت كتير اوى منى.اما بالنسبة للرياضة كانت تحفة.بجد سكاشن الرياضة هتحدد درجة ذكاء الذكى من اللى متوسط من اللى ضعيف.كانت كل مسائل الرياضة محتاجة تركيز عالى جدا وده بجد حرق جرانيولز كتيرة فى مخى لدرجة انى اشتريت فى البريك سناكس.كله كوم والمقال كوم تانى,اول مرة فى حياتى احل مقال بالشكل ده.كان مفتوح اوى المرة دى وكان من الصعب انك تحدد وجه نظر المقال بتاعك.على اى حال

الامتحان عدى على خير والحمد للله لحد دلوقتى مش شاكك فى اى سوال حليته.ربنا يستر

انا دلوقتى لسه جاى من القاهرة قاعد فى اوضتى وبكتب البوست ده عشان النتيجة اما تطلع ابقى اقاه وافتكر واما ابقى اكتب عن نتيجتى تبقوا تفتكروا انتم كمان برده

اشوفك قريب

سلام

BY . HOSSAM E. SHAHINE

proverb

Donnot Cry Over The Spilt Milk

اما كنت صغير!

الواحد بيقعد مع نفسه سعات وبيفتكر نفسه وهو صغير بيبقى عايز يرجع تانى.بيفتكر الحجات اللى كان بيعملها ودلوقتى ميقدرش.بيقولوا انى كنت مجنون وانا صغير.برمى اى حاجة من الشباك كنت بحب اقلد الممثلين والمغنيين اوى.مرة اتفرجت على فيلم اما فاتن حمامة انتحرت بالموس دخلت الحمام وجبت مكنة حلاقة بابا وعملت زيها.ايوة فعلا نزلت دم بس ربنا ستر ولحقونى على اخر لحظة ومش قادر انسى ماما وووانا بتفرج على المشهد ده وهى بتقولى (حسام اوعى تعمل زيها)ههههههههههههههههه.صورى وانا صغير بتفكرنى بكل مكان.وانا بتفرج برده افتكرت يوم شم النسيم اما اهلى وعلتى كانوا موجودين وطلبوا منى انى اغنى زى كل تجمع عائلى ووقفت على الكنبة وابتديت

اغنى والمكشة كانت المكروفون ومن كتر تعمقى فى الاحساس المكشة خدتنى وطيرتنى

بفتكر برده اما كنت بروح اى فرح او اى اى حفلة واغنيه حساسة او غم او سلو تشتغل ابكى وهم مش عارفيين بس انا عارف عشان كانت الاغنية بتلمسنى اوى.

طفولة مليانة بحب من الوالدين مفيش اى نوع من الحرمان.كل شىء فى حياتى تمام ما عدا حاجة وحدة اخويا الكبير كان داميا عقبة فى طريقى.كان دايما يحس انى احسن منه او الحب من بابا وماما اكتر ليا.بس كنت دايما اعمل فى مقالب.كنت اكتر طفل مشهور فى المدرسة وبما ان ان مدرستى لحد الثانوى كنت اكتر طفل مشهور فى المدرسة لحد اما سبتها ودخلت امريكان دبلومة يعنى لحد اول ترم فى اولى ثانوى.كل المدرسيين كانوا بيحبونى وكنت شاطر فى دراستى جدا ودايما كنت ببقى رئيس الفصل وبينى وبينك والله العظيم كانوا البنات بيصوتولى اكتر من الولاد.ولو اترشحت كرئيس فصل والنات ونص البنات صوتولى كنت بكسب عشان البنات فى الفصل اكتر من الولاد مرتين هههههههههههههههههههه.شلتى لحد 4 ابتدائى كانت مشهورة.كنا بنالف اغانى ونعمل لوح وفى الفصة نغنى فى الفصل وفى حصة الالعاب كنا نرقص ونغنى.انا فاكر ان فى طالب اسمه مهند كان معايا وبيغير منى عمل شله بنات زيى برده قال ايه بيغظنى بس مين انا

طبعا كنت بكسب كل مرة.دكنت مشترك فى كل نشاطات المدرسة .

مش قادر انسى اول مرة اشوف حاجة بتتحرك غير الانسان فى حياتى.رحت مع بابا اشوف عمارتنا اللى كنا بنبيها وكانت العمارة فيها امن وكلاب حراسة واول مشفت الكلب قلت يا فكيك وختها جرى ولقيت يجى 5000 الاف كلب بيجروا ورايا والله خت الشارع كله كله جرى لحد اما فى راجل صاحب محل نتشنى زى الصنارة وهى بتنتش السمكة بس كنت تقريبا ميت من الرعب.

--------------------------------------------------------------------

اول مرة اتوة كان تحفة.وكان فى سوق ناصر وبابا والناس اللى اكن بيزرهم كلهم بيدوروا عليا وانا ماشى بتفرج على المحلات بكل برود.واول ملقونى مكنوش مصدقيين كانوا فكرييين بعيط بقى والحركات دى

------------------------------------------------------------------------

ماما هى اهم عنصر فى حياتى.وبما انى برج السرطان من صفاتى انى متعلق بماما جدا.من وانا صغير دايما بحب ماما اكتر اشوف راحتها اكتر بحب ابقى معاها دايما.اول يوم مرسة كنت فى بابى كلاس ومقدرتش اروح غير اما كانت معايا وتنتها تقريبا اول اسبوع تقعد معايا فى الفصل ومش بتسبنى لحد اما اتعودت على الموضوع.كانت دايما هى المسوئلة عن دراستى الاكاديمية.انا من نوع اللى عنده فوبيا امتحنات ودراسة.كنت اعيط اما يكون عندى حفظ من خوفى انى معرفش اجاوب بس هى كانت الدعم الاساسى فى حياتى.

---------------------------------------------------------------

مهما اكلم واقول عن طفولتى مش هخلص.احلى ايام عشتها .مكنتش بفكر فى اى حاجة غير انى اذاكر اطلع الاول والاجازة تيجى عشان اسافر وانى اكبر عشان ابقى دكتور .مفي تفكير فى اى حاجة تانيه زى دلوقتى حتى وانا بكتب البوست ده بفكر فى المستقبل واللى شيله

BY.Hossam E. Shahien

---------------------------------------------------------------------------

proverb

time heals all wounds